Гвардиола по 7 порази од 10 меча: Горд сум!!!

Манчестер Сити синоќа беше поразен со 2:0 на гостувањето кај Јувентус, со што се продлабочи кризата во која се наоѓа.

Избраниците на Пеп Гвардиола загубија по седми пат во последните десет средби, а шпанскиот стручњак не беше премногу загрижен поради тоа.

„Игравме добро, многу, многу добро. Ни недостигаше последното додавање, но јас сум горд на моите играчи. Тие дадоа се од себе и се обидоа да победат. Во овој момент сме во ваква резултатска серија, но се надевам дека тоа ќе промени наскоро Тешко е да се играат европски натпревари, но ние игравме навистина добро“, изјави Гвардиола.

Сити е на 22. место во Лигата на шампионите, а со победи во последните две кола против ПСЖ и Клуб Бриж сигурно би обезбедил пласман во нокаут фазата, но Гвардиола смета дека и бод од тие два меча би бил доволен за него.

-Можеби ќе ни треба еден бод, можеби една победа. Последниот натпревар го играме на домашен терен, па верувам дека ќе поминеме. Нема да го заборавиме овој период штом ќе го оставиме зад нас“, изјави Гвардиола.