Халанд постигна 34 гола на 35 натпревари. Гвардиола: Може тој уште подобро

Манчестер Сити и Лајпциг вечерва во Манчестер го играат реваншот од осминафиналето на Лигата на шампионите. Првиот натпревар заврши 1:1. Стрелец на голот за Сити беше Махрез, а за Лајпциг Јошко Гвардиол. Тренерот на Манчестер Сити, Пеп Гвардиола ги изненади медиумите на прес-конференцијата во пресрет на реваншот со изјавата дека не е целосно задоволен од настапот на норвешкото чудо Ерлинг Халанд. Халанд постигна дури 34 гола на 35 натпревари оваа сезона, но Каталонецот верува дека може повеќе.

„Важно е да знаете дека не ми се допаѓа кога играчите само постигнуваат голови од шеснаесетникот. Да, важно е и ние сакаме Ерлинг да го направи тоа, но ако е далеку од противничкиот гол, сакаме тој да биде активен. Мора да учествува во играта. Долбар е, но може уште подобро“, изјави Гвардиола.

Pep “We need Haaland to be more involved in our game. I don’t like players to just stay in the box to score goals” pic.twitter.com/6N4qFgUkqB

— The Pep (@GuardiolaTweets) March 13, 2023