Интер и Симоне Инзаги се разделуваат дури и со освојување на Лигата на шампионите?

Раководството на Интер може да се раздели со својот менаџер Симоне Инзаги дури и ако специјалистот ги води Нероаѕурите до трофејот во Лигата на шампионите оваа сезона, информира изданието блиско до клубот „ FcInterNews“.

Според информациите, клубот и Инзаги не седнале да преговараат за нов договор, а актуелниот договор на Италијанецот истекува на крајот на јуни 2025 година. Најинтересно е што Интер е подготвен да ја сврти страницата дури и ако Инзаги го донесе пехарот со големи уши на „Џузепе Меаца“.

Кои се наследниците на Инзаги?
Роберто Де Зерби и Серхио Консеиао се меѓу кандидатите да го заменат Симоне Инзаги, но и двајцата имаат договор со Брајтон, односно Порто. Интер ќе мора да плати отштета на клубот за да потпише со еден од нив.

Ова е секако нешто што Интер би сакал да го избегне и како таков главен кандидат во сегашните околности е поранешниот играч на Интер, Тиаго Мота, кој моментално е на чело на друг тим од Серија А, Болоња.