„Кикер“: Касемиро подготвува трансфер кој никој не го очекува

Касемиро подготвува изненадувачки трансфер во Баерн за лето, објави денеска Кикер. Германските медиуми тврдат дека Бразилецот е подготвен да го напушти Манчестер Јунајтед за да игра во тим кој има шанси да ја освои Лигата на шампионите следната сезона. Во Јунајтед се уште не се сигурни дека ќе играат во Лигата на шампионите, а се многу далеку од статусот на клуб кој има шанси да го освои тоа натпреварување.

За потсетување, бразилскиот играч за врска пристигна на „Олд Трафорд“ во летото 2022 година во трансфер вреден околу 80 милиони евра. Потоа ги изненади сите со одлуката да го напушти Реал Мадрид, а сега неговите колеги од Германија пишуваат дека нешто слично може да се случи за неколку месеци.

Покрај желбата на Касемиро, „Кикер“ пишува дека и Томас Тухел е многу заинтересиран за доаѓањето на Касемиро во Баварија. Тухел е во потрага по нов дефанзивен играч за врска, му треба играч кој ќе му помогне на Кимих во средниот ред, а Касемиро е токму таков каков што сака.