Кој ќе постигне повеќе голови сезонава?

Предаторот на головите на Манчестер Сити, Ерлинг Холанд, дава гол за забава и се чини дека нема намера да запре. Тој постигна уште два гола за „граѓаните“ во победата од 3-1 над Лестер, со што се искачи на 32 во Премиер лигата.

На спротивниот пол е еден од гигантите во Англија, Челзи. „Сините“ од Лондон имаат кошмарна сезона и колку и да звучи смешно, споредбите веќе почнаа не со Манчестер Сити, туку со норвешкиот киборг. Причината е едноставна – Челзи оваа сезона постигна само 30 гола.

Се поставува прашањето: Дали Ерлинг Холанд може да ја заврши кампањата во првата лига на Англија со повеќе голови од лондончани? Барем засега така изгледа. Своите голови ги постигна за 2.234 минути игра, додека на Челзи му беа потребни 2.790 минути за да постигне 30.

Сега се чини несомнено дека Холанд ќе го собори рекордот за најмногу голови во една сезона во Премиер лигата. Го држи Мохамед Салах, кој во сезоната 2017/18 постигна 32 гола. Норвежанецот има и осум кола пред крајот на првенството.