Лајпциг одреди цена за Гвардиол – 4 клуба веднаш испаднаа од трката

Не престануваат шпекулациите за потенцијалниот трансфер на Јошко Гвардиол од РБ Лајпциг во Премиер лигата. Веќе со месеци англиските медиуми активно пишуваат за интересот за хрватскиот стопер на Манчестер Сити, Челзи и Ливерпул. И не само тоа, се пишува дека Челзи и Сити веќе се обиделе да го доведат Гвардиол, но дека не успеале, па ќе мора да се обидат повторно на лето.

Денеска голем текст за Гвардиол објави Дејли Меил, кој наведува дека има нови информации за деталите за потенцијален трансфер. Англиските медиуми пишуваат дека поранешниот стопер на Динамо во договорот што го потпиша со Лајпциг има отштетна клаузула која станува активна на 1 јануари 2024. Од тој момент, доколку Гвардиола во меѓувреме не потпише нов договор да го откаже стариот, ќе може да го купи секој што ќе понуди 110 милиони евра.

Ова е информација која претходно се споменуваше во некои медиуми, но она што е ново во целата приказна е дека Дејли Мејл тврди дека од извор од германскиот клуб дознал дека летово Лајпциг ќе бара 115 милиони евра фиксна отштета за Гвардиол. Кој ќе ја плати таа сума, може да го одземе Гвардиол, се разбира, под услов да успеат да се договорат и со играчот.

Овој детал, како што нагласува Дејли Мејл, ги исфрла од трка оние клубови кои ситуацијата со Гвардиол ја следеле од страна. Тоа се клубови како Њукасл и Тотенхем. Ваквото високо обештетување им е неприфатливо, па веќе е јасно дека ќе се повлечат и ниму нема да се обидуваат да испраќаат понуди кога ќе почне летниот преоден рок. Во истата категорија спаѓа и Ливерпул.

Се споменуваше и Манчестер Јунајтед, клуб кој на лето планира да се ослободи од Хари Мегваер и Виктор Линделоф и би сакал да донесе големо име на стоперската позиција, но сега е јасно дека и од тоа нема да излезе ништо, според Дејли Мејл. Причината за повлекувањето на Јунајтед е повторно големото обештетување.

Англискиот гигант можеше да си дозволи да плати 115 милиони евра за Гвардиол, но тогаш не би имал доволно пари да купува играчи за позициите каде има најмногу проблеми, а тоа е средниот ред кој Ерик тен Хаг сака целосно да го промени.

Челзи ќе се обиде да му направи простор на Гвардиол продавајќи го 31-годишниот Калиду Кулибали, но англиските медиуми пренесуваат дека е тешко за верување дека Гвардиол би го избрал Челзи во актуелната ситуација пред Сити каде се е јасно и средено.