Мончи: Им требаше мотивација, затоа го продадоа Кристијано Роналдо

Реал Мадрид во текот на летото реши да го продаде најдобриот фудбалер на светот Кристијано Роналдо на Јувентус.

Роналдо после девет години ги напушти кралевите, а спортскиот директор на Рома тврди дека ја знае причината зошто Реал толку лесно се откажа од Португалецот.

„Кога тимот ќе освои три титули во Лигата на шампионите во низа, тешко е да пронајде дополнителна мотивација. Продажбата на Роналдо можеби е таа мотивација која му е потребна на тимот, затоа што сакаат да докажат дека можат да ја освојат титулата и без него. Мотивацијата е клучна“, рече Мончи.

Спортскиот директор на Волчицата има два интересни кандидати за освојување на титулата.

„Освојувач на Лигата на шампионите? Не би ме чудело тоа да бидат Сити или Ливерпул“, кратко истакна Мончи.