Проблем во Реал Мадрид! Уште не почнати, Јовиќ се повреди

Фудбалерот на Реал Мадрид, Лука Јовиќ се повреди во момент кога се донесе одлука да се вратат на тренинг. Српскиот напаѓач Лука Јовиќ има скршена коска во петата на десната нога. Јовиќ вчера на тестирањето се појави расположен, но додека вежбал дома, се здобил со повреда, а денешните снимки покажале дека има скршеница. Ова е само продолжување на серијата малери кои го следат Јовиќ откако потпиша за Кралскиот клуб.

Со ова продолжува мизерната сезона за Јовиќ, кој минатото лето беше најавуван како големо засилување по трансферот од Ајнтрахт Франкфурт. Тој го загуби стартното место во тимот од Карим Бензема, а потоа кога почна карантинот налета на проблеми во родната Србија, откако го прекрши карантинот и доби кривична пријава.

Jović medical report.#RealMadrid

— Real Madrid C.F. ???? (@realmadriden) May 8, 2020

22-годишниот напаѓач во Мадрид пристигна минатото лето за трансфер вреден 60 милиони евра, но оваа сезона не се наигра. Настапи на 24 натпревари во кои постигна само два гола.