ПСЖ и Меси далеку од договор

Раководството на ПСЖ се уште не постигнало договор со Лионел Меси околу потпишувањето на нов договор.

Договорот на аргентинскиот интернационалец истекува на крајот од актуелната сезона, а иако во еден момент се мислеше дека останувањето на Меси во Париз е речиси сигурно, ситуацијата не е ни оддалеку едноставна.

„Марка“ пренесува дека сите страни се далеку од договор, а се се смени во јануари, откако Аргентинецот го освои светскиот шампионат во Катар. Пред Мундијалот се очекуваше преговорите на ПСЖ со Меси да бидат многу полесни и искусниот напаѓач да остане на „Паркот на принцовите“, но тоа се промени по Мундијалот.

Преговорите „заглавија“, се разбира, поради барањето за плата на Меси…

🚨 Lionel Messi has not ruled out playing in Saudi Arabia with Cristiano Ronaldo. 🇸🇦

His father is demanding a salary of €600M with Al-Hilal. 😳💰

(Source: @elchiringuitotv) pic.twitter.com/7Sy8s4LwoC

— Transfer News Live (@DeadlineDayLive) March 14, 2023

Хорхе Меси, таткото и агентот на напаѓачот, се сретнал со челниците на ПСЖ, но не бил постигнат договор. Се очекува наскоро повторно да седнат на маса.

35-годишниот фудбалер постигна 18 гола со 17 асистенции на 31 натпревар за „светците“ во сите натпреварувања оваа сезона.