Реал останува без клучен член од стручниот штаб

Давиде Анчелоти, син на Карло Анчелоти, ја започнува својата независна тренерска кариера. „Марка“ го опишува Давиде како клучен човек на првиот тренер на Реал Мадрид и наведува дека тој е главниот кандидат за преземање на Базел. Давиде оваа сезона имаше можност да ја преземе клупата на Евертон, но на крајот таа идеја не беше реализирана и тој остана дел од кругот на најдоверливи луѓе на неговиот татко.

Сега се пишува дека се предомислил и дека на 33 години започнува самостојна тренерска кариера. Тој има важечки договор со Реал и за следната сезона, но не треба да го комплетира, туку да се пресели во Швајцарија, каде од следната сезона треба да го води тимот. Иако млад, Давиде Анчелоти е искусен во работата во најдобрите европски клубови. Тој ја започна својата кариера како фитнес тренер во ПСЖ, а работеше во Мадрид, Баерн, Наполи и Евертон пред да се врати во Реал во септември 2021 година.