Роџерс: Беше чест да бидам ваш менаџер

Два дена откако го напушти Лестер по четири години, зборуваше и Брендан Роџерс.

„Секако дека сум разочаран што се разделивме толку блиску до крајот на сезоната, секогаш верував дека ќе успееме да ги постигнеме резултатите што ни се потребни за да останеме во Премиер лигата.

Би сакал на сите во клубот да им посакам многу среќа и да ги остварат своите цели до крајот на сезоната. Клубот има силна инфраструктура и се што му е потребно за да продолжи напред – тренинг центар од светска класа, страсни и лојални навивачи, група одлични играчи со карактер и многу посебни сопственици.

Би сакал да му се заблагодарам на претседателот на Лестер, г-дин Ајават Шривабанапраб и на сите во бордот што ми дадоа можност да го водам Лестер и да испишам историја со овој голем фудбалски клуб во изминатите години. Изградивме одличен однос и секогаш нема да имам ништо друго освен почит и наклонетост кон сите во клубот.

Играчите, стручниот штаб и јас дадовме се, тоа го правевме секој ден и секогаш ќе бидам горд на она што го постигнавме заедно. Победата против Челзи на Вембли во 2021 година и освојувањето на првиот трофеј во ФА Купот за овој клуб и навивачите, заедно со квалификациите за Европа две години по ред е нешто што никогаш нема да го заборавам.

Постигнавме се со помош на навивачите и им благодарам за тоа. Беше привилегија да бидам ваш менаџер.

Сега со нетрпение ја очекувам можноста да прегледам се што е направено за време на одморот и да се подготвам за следната можност“, изјави Брендан Роџерс во своето прво јавно обраќање по отказот од Лестер.