Connect with us

Фудбал

Родриго: Остварување на сонот, да играм за Реал и да го надминам Роналдо

Фудбалерот на Реал Мадрид, Родриго од ден на ден потврдува дека му претстои голема кариера.

Пред неколку дена овој 22-годишен Бразилец ги постигна двата гола во победата над Осасуна во финалето на Купот на кралот, а се очекува да биде еден од адутите на тренерот Карло Анчелоти на претстојниот полуфинален натпревар од Лигата на шампионите против Манчестер Сити. .

Родриго веќе има една титула европски клупски шампион зад себе и 15 постигнати голови во Лигата на шампионите, со што го надмине својот славен сонародник и идол – Роналдо во листата на најдобри стрелци на Реал Мадрид.

„Остварување на сонот е да се биде во Реал Мадрид, особено кога си меѓу најдобрите стрелци во историјата на овој клуб во Лигата на шампионите. Се надевам дека ќе постигнам уште многу голови, сакам да продолжам да се искачам на оваа листа. Можноста да го надминам Роналдо ми значи многу, бидејќи тој е мојот идол и идол на целата наша генерација во Бразил“, изјави Родриго за шпанските медиуми.

Неодамна Родриго во дуелот со Челзи ги постигна 14-от и 15-от гол во Лигата на шампионите и со тоа го надмина достигнувањето на неговиот славен сонародник кој постигна 13 гола во дресот на Реал Мадрид.