Ројс го продолжи договорот со Борусија на уште една сезона. Тоа ќе биде негова 15-та сезона во Дортмунд

Германскиот фудбалер Марко Ројс го продолжи договорот со Борусија Дортмунд на уште една сезона, објави на социјалните мрежи актуелниот водечки клуб во германскиот шампионат. Денеска, 33-годишниот Ројс дојде во Борусија пред нешто помалку од 11 години од Борусија Менхенгладбах.

Неговиот претходен договор би истекол на крајот од оваа сезона, во која забележа 20 настапи во германското првенство и постигна шест гола и четири асистенции. Тој пропушти девет натпревари поради различни повреди. Ројс забележа 382 настапи за Дортмунд и постигна 161 гол. Со BvB освои една германска шампионска титула во сезоната 2011/12. Оваа година тој и неговите соиграчи се на добар пат да стават крај на десетгодишното владеење на Баерн Минхен.

Борусија е прва на пет кола пред крајот на првенството и има бод повеќе од Баерн. Во петок на домашен терен игра против Бохум, додека Баерн во недела ја пречекува Херта Берлин.