Шкупи сепак ќе игра во Првата кошаркарска лига

Во просториите на Македонската кошаркарска федерација денеска беа извлечени двојките за првото коло од претстојната натпреварувачка сезона во Првата лига.

Со едногласна одлука на Здружението на прволигаши прифатено е барањето на КК Шкупи за играње во Првата лига и покрај задоцнетата уплата на котизација, објави МКФ.

Двојки за 1.коло:

АВ Охрид – Работнички
Блокотехна – МЗТ Скопје Аеродром
Пелистер – Фени Индустри
Гостивар – Кожув
Вардар – Куманово

Слободен првата рунда е Шкупи.

Сезоната ќе почне на 6 октомври, а бранител на трофејот е Работнички.