УЕФА го поместува финалето на Лигата на шампионите од Истанбул?

Финалето во Лигата на шампионите треба да се одигра на 10 јуни на стадионот „Ататурк“ во Истанбул, но постои можност натпреварот да се пресели во друг град.

Причината е што УЕФА е загрижена за потенцијалните граѓански немири поради претседателските избори во Турција. Првиот круг од изборите ќе се одржи во недела, додека вториот круг е закажан за почетокот на јуни. Португалските медиуми објавија дека УЕФА веќе стапила во контакт со португалскиот фудбалски сојуз и ги известила дека постои можност финалето да се игра во Лисабон.

Да потсетиме дека во првите полуфинални натпревари Реал и Сити одиграа 1:1, а Интер победи со 2:0 против Милан.