Валверде остана без текст: Меси е неверојатен

Барселона на најдобар начин го започна новото издание на Лигата на шампионите. Каталонците на Камп Ноу славеа со високи 4:0, а посебно „блескаше“ Лионел Меси кој три пати ја затресе мрежата на тимот од Ајндховен.

Одличната претстава на Барселона и фантастичниот настап на аргентинскиот фудбалер ги усреќиа и тренерот Ернесто Валверде, кој по натпреварот не го сокри своето задоволство.

„Меси е просто неверојатен и нештата кои тој ги прави изгледаат како рутина. Играчите настојуваа да ги поправат грешките од дуелот против Реал Сосиедад и затоа сум среќен“, кажа Валверде, а на неговата изјава се надоврза Тер Штеген.

„Мислам дека не постои играч на светот кој игра фудбал како Меси“.

Покрај Меси, против ПСВ во стрелците се запиша и Дембеле.