Вернер и Орбан ги срушија Милионерите за полуфинале на купот

По Ајнтрахт и Фрајбург, РБ Лајпциг и Штутгарт се пласираа во полуфиналето на Купот на Германија. РБ Лајпциг во дерби колото ја совлада Борусија Дортмунд со 2:0. Штутгарт беше подобар од Нирнберг на гости со 1:0.

Баерн испадна од трката за трофејот во купот, а исто така и Борусија. Додуша, елиминацијата на Милионерите од Дортмунд не може да се смета за изненадување бидејќи ја доживеа од сериозниот ривал РБ Лајпциг и тоа на негов терен.

Херојот на домашниот тим беше добро познато лице. Тимо Вернер покажа одлична игра. Токму повратникот од Челзи постигна гол во 22. минута и во голема мера го одреди понатамошниот тек на натпреварот.

Тој резултат важеше до самиот крај на натпреварот. Во осмата минута од судиското надополнување, Орбан го потврди преминот на РБ Лајпциг во полуфиналето и продолжи со походот за одбрана на трофејот освоен минатата година.

Иако се соочуваше со испаѓање во Цвајт, Штутгарт остана жив во борбата за трофејот. Швабите победија со 1:0 во Нирнберг, а единствениот гол го постигна Французинот Енцо Михо.