ВИДЕО: Сега и навивачите го „бркаат“ Меси

Лионел Меси неодамна беше суспендиран од Пари Сен Жермен, а навивачите на клубот се собраа пред стадионот за да го кажат своето мислење по ова прашање.

Како што може да се види на видеото, навивачите скандираа против аргентинскиот ас. Од ова може да се заклучи дека нема многу да „плачат“ доколку си замине, што се почесто се најавува.

Paris Saint-Germain fans outside club’s HQ chanting against Leo Messi 🚨😳 #Messi

🎥 @CanalSupporterspic.twitter.com/a5011uUklU

— Fabrizio Romano (@FabrizioRomano) May 3, 2023

Меси дојде во Пари Сен Жермен пред две години како слободен играч. Иако учествуваше во освојување на една титула во националниот шампионат, а сега е на прагот на друга, тимот сепак не успеа во она за што беше доведен – да ја освои Лигата на шампионите.

Клубот го суспендираше Аргентинецот на две недели бидејќи тој отпатува во Саудиска Арабија без дозвола. И пред таа суспензија веќе се споменуваа опциите за заминување. Според едната, Барселона е подготвена да се впушти во операција за враќање на легендата на клубот, а се споменуваше дури и патување во Саудиска Арабија, каде што би се оживеало ривалството со Кристијано Роналдо.