ВИДЕО: Шоу на Азар, Челзи ги прати „Редсите“, Сити и Арсенал сигурни

Покрај Ливерпул, единствено Челзи остана со сто постотна реализација после пет кола, а истото може да го направи и Ватфорд кој денеска игра против Манчестер Јунајтед.

Ливерпул на гостувањето кај Тотенхем ја забележа петтата победа во петтото коло од Премиер лигата, додека Челзи исто така дојде до победа на Стемфорд Бриџ против Кардиф.

Иако Бамба во 16. минута постигна гол за водство на Кардиф, Еден Азар до крајот на првиот дел со два гола по асистенција на Оливие Жиру успеа да го сврти резултатот во корист на „Плавите“. Во продолжението, Азар од пенал дојде до хет-трик, а Вилиан ги постави конечните 4:1.

Манчестер Сити до четвртата победа дојде денеска против Фулам на својот Етихад, а резултатот од 3:0 го поставиа Сане, Давид Силва и Стерлинг.

Бурнамут со 4:1 го совлада Лестер, и со десет бодови се наоѓа на петтото место на табелата и има само еден пораз и едно реми.

Важна победа забележа и Арсенал на гостувањето кај Њукасл. Топчиите со тешки маки дојдоа до победа од 2:1.

Прво Џака во 49. минута погоди за 1:0, со гол од слободен удар, а Озил во 58. минута зголеми на 2:0. Голот за домаќинот го постигна Марфи во завршницата од натпреварот.

Арсенал сега има три победи и два порази, а со девет освоени поени е на седмата позиција на табелата.

Резултати од 5. коло во Премиер лигата:

Бурнамут – Лестер 4:2
Челзи – Кардиф 4:1
Хедерсфилд – Кристал Палас 0:1
Манчестер Сити – Фулам 3:0
Њукасл – Арсенал 1:2