Влаховиќ му донесе важна победа на Јувентус во борбата за Лигата на шампионите

Се одиграа четири натпревари од 33. коло во Серија А. Јувентус и Аталанта победија во походот за Лигата на шампионите. Сампдорија загуби од Торино во Џенова, додека Салернитана и Фиорентина ремизираа 3:3.

Јувентус конечно стигна до победа. Исто така, може да се каже дека Душан Влаховиќ конечно ја затресе мрежата. „Старата дама“ ја прекина серијата од четири натпревари без победа, додека српскиот центарфор ја прекина серијата од 11 првенствени натпревари во кои постеше.

Го совладаа Лече во Торино со 2:1. Сите три постигнати гола, како и два кои беа поништени со ВАР, беа постигнати во првите 45 минути. Лече најпрво погоди во третата минута, а Шешеј ја затресе мрежата, но по интервенција на ВАР голот беше поништен поради офсајд.

Јувентус поведе во 15. минута со голот на Паредес. Мирети зголеми на 2:0, но и тој гол беше поништен по интервенција на ВАР поради офсајд. Во 36. минута беше досуден пенал за Лече, а Шесеј беше сигурен од белата точка за 1:1.

И тогаш на сцена стапија Србите. Во 41. минута Филип Костиќ асистира, а Душан Влаховиќ ја погодува мрежата, првпат во Серија А по 7 февруари. Ќе испадне дека постигна гол вреден три бода, важен во борбата за место во Лигата на шампионите следната сезона.

Аталанта ги освои важните три бода во борбата за елитното европско натпреварување. Тие во Бергамо ја победија Специја со 3:2. Гостите поведоа преку Џаси во 18. минута. А потоа пресврт. Де Рон во 32., Запакоста во 48. и Муриел во 54. минута донесоа водство од 3:1. Специја во 64. минута преку Бурабија намали на 3:2, но повеќе од тоа не можеше.

Самдорија на Дејан Станковиќ се уште не е формално исфрлена во Серија Б, но со поразот од 2:0 во Џенова од Торино дојде на чекор до тоа. Головите ги постигна Бонџорно во 31. минута на асистенција на Иван Илиќ и Пелегри во 90. минута. Спектакуларен натпревар се одигра во Салерно. Салернитана и Фиорентина ремизираа 3:3.

Три пати водеше Салернитана, а сите три гола ги постигна Биа. Сепак, Фиорентина секој пат одговараше, а стрелци беа Гонзалес, Иконе и Бираги.