Златан за Јунајтед: Изгледаат подобро од тимот за кој играв, но залудно затоа што не освојуваат ништо

Златан Ибрахимовиќ дел од својата богата кариера помина во Манчестер Јунајтед.

Ибра помина една и пол година на „Олд Трафорд“, а вчера испадна од својот поранешен клуб во Лига Европа со Милан.

После натпреварот, од Златан беше побарано да го спореди денешниот Јунајтед со тимот во кој играше.

„Овој тим на Манчестер Јунајтед изгледа подобро од оној за кој играв, но тоа е целосно ирелевантно ако не освоите трофеи“, рече Златан и додаде:

„Мислам дека овој тим е подобар од оној во кој играв, но освоив трофеи и тоа е голема разлика“, рече Златан.

Со „Црвените ѓаволи“, Ибра ги освои Комјунити Шилд, ЕФЛ Купот и Европската лига.